दोहा:
Doha:

श्रीगुरु चरन सरोज रज, निज मन मुकुर सुधारि।
Shrīguru charan saroja raja, nija mana mukuru sudhāri.

बरनउँ रघुवर बिमल जसु, जो दायक फल चारि॥
Baranau Raghubara bimala jasu, jo dāyaka phala chāri.

बुद्धिहीन तनु जानिके, सुमिरौं पवन-कुमार।
Buddhi-hīna tanu jānike, sumirau pavana-kumāra.

बल बुद्धि विद्या देहु मोहिं, हरहु कलेस बिकार॥
Bala buddhi vidyā dehu mohi, harahu kalesa vikāra.

चालीसा:
Chalisa:

(1)
जय हनुमान ज्ञान गुण सागर।
जय कपीस तिहुँ लोक उजागर॥
Jaya Hanumān jñāna guṇa sāgara।
Jaya Kapīsa tihun loka ujāgara॥

(2)
राम दूत अतुलित बल धामा।
अञ्जनि-पुत्र पवनसुत नामा॥
Rāma dūta atulita bala dhāmā।
Añjani-putra Pavan-suta nāmā॥

(3)
महाबीर बिक्रम बजरंगी।
कुमति निवार सुमति के संगी॥
Mahāvīra Vikrama Bajarangī।
Kumati nivāra sumati ke sangī॥

(4)
कंचन बरन बिराज सुबेसा।
कानन कुंडल कुंचित केसा॥
Kañcana barana birāja subesā।
Kānana kuṇḍala kuñcita kesā॥

(5)
हाथ बज्र औ ध्वजा बिराजे।
काँधे मूँज जनेऊ साजे॥
Hātha vajra au dhvajā birāje।
Kāñdhe mūñja janeū sāje॥

(6)
शंकर सुवन केसरी नन्दन।
तेज प्रताप महा जग बन्दन॥
Shankara suvana Kesari nandana।
Teja pratāpa mahā jaga vandana॥

(7)
विद्यावान गुनी अति चातुर।
राम काज करिबे को आतुर॥
Vidyāvān gunī ati chātura।
Rāma kāja karibe ko ātura॥

(8)
प्रभु चरित्र सुनिबे को रसिया।
राम लखन सीता मन बसिया॥
Prabhu charitra sunibe ko rasiyā।
Rāma Lakshana Sītā mana basiyā॥

(9)
सूक्ष्म रूप धरि सियहिं दिखावा।
बिकट रूप धरि लंक जरावा॥
Sūkṣma rūpa dhari Siyahīn dikāvā।
Bikaṭa rūpa dhari Lanka jarāvā॥

(10)
भीम रूप धरि असुर सँहारे।
रामचन्द्र के काज सँवारे॥
Bhīma rūpa dhari asura san̄hāre।
Rāmachandra ke kāja san̄vāre॥

(11)
लाय सजीवन लखन जियाये।
श्रीरघुबीर हरषि उर लाये॥
Lāya sajīvana Lakhana jiyāye।
Shrī Raghubīra harṣhi ura lāye॥

(12)
रघुपति कीन्ही बहुत बड़ाई।
तुम मम प्रिय भरतहि सम भाई॥
Raghupati kīnhī bahuta baḍāī।
Tuma mama priya Bharatahi sama bhāī॥

(13)
सहस बदन तुम्हरो जस गावे।
अस कहि श्रीपति कण्ठ लगावे॥
Sahasa badana tumharo jasa gāve।
Asa kahi Shrīpati kanṭha lagāve॥

(14)
सनकादिक ब्रह्मादि मुनीसा।
नारद सारद सहित अहीसा॥
Sanakādika Brahmādi munīśā।
Nārada Sārada sahita Ahīsā॥

(15)
जम कुबेर दिगपाल जहाँ ते।
कवि कोविद कहि सके कहाँ ते॥
Yama Kubera Digapāla jahāñ te।
Kavi kovida kahi sake kahāñ te॥

(16)
तुम उपकार सुग्रीवहिं कीन्हा।
राम मिलाय राजपद दीन्हा॥
Tuma upakāra Sugrīvahin kīnhā।
Rāma milāya rājapada dīnhā॥

(17)
तुम्हरो मन्त्र बिभीषन माना।
लंकेश्वर भए सब जग जाना॥
Tumharo mantra Vibhīṣana mānā।
Lankeshvara bhae saba jaga jānā॥

(18)
जुग सहस्र जोजन पर भानु।
लील्यो ताहि मधुर फल जानू॥
Juga sahasra jojana para bhānu।
Līlyo tāhi madhura phala jānū॥

(19)
प्रभु मुद्रिका मेलि मुख माहीं।
जलधि लाँघि गये अचरज नाहीं॥
Prabhu mudrikā meli mukha māhīn।
Jaladḥi lān̄ghi gaye acharaja nāhīn॥

(20)
दुर्गम काज जगत के जेते।
सुगम अनुग्रह तुम्हरे तेते॥
Durgama kāja jagata ke jete।
Sugama anugraha tumhare tete॥

(21)
राम दुआरे तुम रखवारे।
होत न आज्ञा बिनु पैसारे॥
Rāma duāre tuma rakhuvāre।
Hota na ājñā binu paisāre॥

(22)
सब सुख लहै तुम्हारी सरना।
तुम रक्षक काहू को डरना॥
Saba sukha lahai tumhārī saranā।
Tuma rakṣhaka kāhū ko ḍaranā॥

(23)
आपन तेज सम्हारो आपै।
तीनों लोक हाँक तें काँपै॥
Āpana teja samhāro āpai।
Tīnōn loka hān̄ka teṁ kāpai॥

(24)
भूत पिशाच निकट नहिं आवै।
महाबीर जब नाम सुनावै॥
Bhūta piśācha nikaṭa nahi āvai।
Mahāvīra jaba nāma sunāvai॥

(25)
नासै रोग हरै सब पीरा।
जपत निरंतर हनुमत बीरा॥
Nāsai roga harai saba pīrā।
Japata nirantara Hanumata bīrā॥

(26)
संकट तें हनुमान छुड़ावै।
मन क्रम बचन ध्यान जो लावै॥
San̄kaṭa teṁ Hanumān chuṛāvai।
Mana krama vachana dhyāna jo lāvai॥

(27)
सब पर राम तपस्वी राजा।
तिन के काज सकल तुम साजा॥
Saba para Rāma tapasvī rājā।
Tina ke kāja sakala tuma sājā॥

(28)
और मनोरथ जो कोई लावै।
सोई अमित जीवन फल पावै॥
Aura manoratha jo koī lāvai।
Soī amita jīvana phala pāvai॥

(29)
चारों जुग परताप तुम्हारा।
है परसिद्ध जगत उजियारा॥
Chāron yuga pratāpa tumhārā।
Hai prasiddha jagata ujiyārā॥

(30)
साधु संत के तुम रखवारे।
असुर निकंदन राम दुलारे॥
Sādhu santa ke tuma rakhuvāre।
Asura nikan̄dana Rāma dulāre॥

(31)
अष्ट सिद्धि नौ निधि के दाता।
अस बर दीन जानकी माता॥
Ashta siddhi nau nidhi ke dātā।
Asa bara dīna Jānakī mātā॥

(32)
राम रसायन तुम्हरे पासा।
सदा रहो रघुपति के दासा॥
Rāma rasāyana tumhare pāsā।
Sadā raho Raghupati ke dāsā॥

(33)
तुम्हरे भजन राम को पावै।
जनम जनम के दुख बिसरावै॥
Tumhare bhajana Rāma ko pāvai।
Janama janama ke dukha bisarāvai॥

(34)
अंत काल रघुबर पुर जाई।
जहाँ जन्म हरि-भक्त कहाई॥
Anta kāla Raghubara pura jāī।
Jahāñ janma Hari-bhakta kahāī॥

(35)
और देवता चित्त न धरई।
हनुमत सेइ सर्ब सुख करई॥
Aura devatā chitta na dharaī।
Hanumata sei sarba sukha karaī॥

(36)
संकट कटै मिटै सब पीरा।
जो सुमिरै हनुमत बलबीरा॥
San̄kaṭa kaṭai miṭai saba pīrā।
Jo sumirai Hanumata balabīrā॥

(37)
जय जय जय हनुमान गोसाईं।
कृपा करहु गुरु देव की नाईं॥
Jaya jaya jaya Hanumān gosāī।
Kṛipā karahu guru deva kī nāī॥

(38)
जो सत बार पाठ कर कोई।
छूटहि बंदि महा सुख होई॥
Jo sata bāra pāṭha kara koī।
Chhūṭahi bandi mahā sukha hoī॥

(39)
जो यह पढ़ै हनुमान चालीसा।
होय सिद्धि साखी गौरीसा॥
Jo yaha paṛhai Hanumān Chālīsā।
Hoya siddhi sākhī Gaurīsā॥

(40)
तुलसीदास सदा हरि चेरा।
कीजै नाथ हृदय महँ डेरा॥
Tulāsīdāsa sadā Hari cherā।
Kījai Nātha hṛidaya mahñ ḍerā॥

दोहा:
Doha:

पवनतनय संकट हरन, मंगल मूरति रूप।
Pavana-tanaya san̄kaṭa harana, mangala mūrati rūpa।

राम लखन सीता सहित, हृदय बसहु सुर भूप॥
Rāma Lakshana Sītā sahita, hṛidaya basahu sura bhūpa॥